أحمد إبراهيم الدسوقى: استنى شوية المحامى (قصيدة عامية)

استنى شويه
محامى الوليه

اللى ولولت عليه
لما خدونى فـ الضلمة لقيه

أصلهم هجامين وحراميه
يوم ما ركبت بالنفر طلعوا عليه

قالوا الملوخيه طرحت فـ العباسيه
وهوا سيم بعد ما عملوا رباطيه

ثبتونى وأنا ليهم هديه
مـ السما يا مراتى ياسنيه

سرقونى وأخدوا اليوميه
بلاش نبلغ فـ التُومن يا وليه

وهناك قدام العساكر فـ المدريه
وقفت أعيط زى الست المتداريه

قام قاللى الباشصول استنى شويه
ده الحل القانونى ليك إنت والفاموليه

استنى إيه يا عالم ده أنا الضحيه
عيال شمحطجيه برمجو عليه

حتى إسألوا الملوخيه
الى طرحت فـ العباسيه

أتاريه إسم محامى كولو باميه
والقطه طلعت مفتحه مش عميه

كوبيه عـ المتقاضيين وعليه
قالى حجيبلك حقك من الحقانيه

تلات تربع حتة واحده وشويه
قوم دفعتله القرشنات المخفيه

قد اللى إتسرق منى فـ الحلميه
مش دى شورتك يا سنيه

وبعديها بخمس سنين مسكو الحراميه
موت يا حمار فـ كبسه فى العمرانيه

وفلوسى مارجعتش ياناظر الحقانيه
وكمان خسرت شغلى فى الكوبانيه

كله مـ المحامى القشاط بتاع السبتيه
نص كم إسمه استنى شويه

ومراتى بتزغرط ام شوره مكعورتيه
مش هاكل بعد كده الباميه أم دقيه

آه يا هبله يا وليه
وأه يا خيبتى القويه

نفسى يا عالم افضح الأفوكاتو وفتحله
وهوا إبن حرام نصاب وأشرشحله

خمس سنين بيرفعلى المدعوقة القضيه
لحد ما إستلفت طبق الفول وقرص الطعميه

لهف منى شىء وشويات أصلها تكيه
ملعون أبوه هو ومراتى والماهيه

وإنت يا برميل الدهن يا وليه
تعالى يا آخر صبرى يا متزوقاتيه

كانت فكرة شوم زى وشك يا سنيه
روحى طالق إنت والماهيه يا مدهولاتيه

تمت
2020

أحمد إبراهيم الدسوقى
كاتب وشاعر ورسام
بكارليوس إعلام
قسم صحافة
القاهرة
مصر
بريد الكترونى
ahmeddsoky0101@gmail.com
ت/أ 23622850
ت/م 01141634908
ت/م 01149800720

شاهد أيضاً

أحمد إبراهيم الدسوقى: طارت فى الهوا أخلاقى

طارت فـ الهوا أخلاقــــــــــى                        …

في التقويل الشعري
في نصوص الشاعر الشعبي العراقي فلاح السيد
كتابة : علاء حمد – العراق

إشارة : أمام هذا النشاط الثر والمُثقل بالأطروحات الجديدة للناقد العراقي المبدع “علاء حمد” لابُدّ …

أحمد إبراهيم الدسوقى: الشغالة مس شوجره (قصيدة عاميه)

قاعد فـ بيتى باشرب قهوة مِــــــــــــسكره قوم لقيت الشغالة مس شــــــــــــوجره   بتبصلى بعين قوية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *