جبار عودة الخطاط : إحديثات الناي

إحديثات الناي

جبار عودة الخطاط

(1)
صارت الورده فراشه
وتوكي لعبت
وَي صديقتهه الفراشه
فوگ أغصان الضوه
ولمّا تعبت
صارت الفراشه ورده
وشالت الورده ابحضنهه
وهيه تسگيهه هوه .

( 2 )
ومن وصل بالرسم
يم حد الشفايف
………….
إحترگت الفرجة بجفه
وصارت الدنيـه
بشمسهه..
وگمرهـه..
وشجرهه..
وثمرهه ..
ونهرهـه..
وشعرهه..
وسحرهه..
كلهه ..كلهه
كلهه معجونه ابشفه .

( 3 )
عطشان الطفل
ويريد يشرب مي
بس خايف يگرّب للنهر يغرگ
طلع مي النهر
يم الطفل روّاه
والنهر ارتوى
شاف الطفل يضحك .

( 4 )
يهيعون القميص الوردي
يحبيّب
مغناطيس حاضن
يا ترف تفاح بستانك
مو لون القميص
ِاليسبي و يهيّب
طلعت بالقميص
إتهلهل ألوانك

( 5 )
صفن الگمر
ولمّن زعل دمعه إنطوه
بعينه الدمع
جوه الجفن ورّث نهر
وصار غيمه وضوّت بروحه مطر
من هيّس إشموع العراقي
رمده ما تنشر إبحلوات الضوه
مجروحه طرگهه القهر
.. حزن الگمر .. ولف راسه
دولاب الارق
وتمدد إبصدر السمه
وظل نايم إلنص الظهـر .

( 6 )
صارلك گلبي رقم دار
وتعلگ عل بيتك
ومن إجيتك
دورت رقمك وبيتك
ياحسافه تيهيتك .

( 7 )
بيني وبينك نهر نار وغميچ
وعلى النهر
كنطرة بردي هيه
إلعيونـك طريچ .

صارت الورده فراشه
وتوكي لعبت
وَي صديقتهه الفراشه
فوگ أغصان الضوه
ولمّا تعبت
صارت الفراشه ورده
وشالت الورده ابحضنهه
وهيه تسگيهه هوه .

( 2 )
ومن وصل بالرسم
يم حد الشفايف
………….
إحترگت الفرجة بجفه
وصارت الدنيـه
بشمسهه..
وگمرهـه..
وشجرهه..
وثمرهه ..
ونهرهـه..
وشعرهه..
وسحرهه..
كلهه ..كلهه
كلهه معجونه ابشفه .

( 3 )
عطشان الطفل
ويريد يشرب مي
بس خايف يگرّب للنهر يغرگ
طلع مي النهر
يم الطفل روّاه
والنهر ارتوى
شاف الطفل يضحك .

( 4 )
يهيعون القميص الوردي
يحبيّب
مغناطيس حاضن
يا ترف تفاح بستانك
مو لون القميص
ِاليسبي و يهيّب
طلعت بالقميص
إتهلهل ألوانك

( 5 )
صفن الگمر
ولمّن زعل دمعه إنطوه
بعينه الدمع
جوه الجفن ورّث نهر
وصار غيمه وضوّت بروحه مطر
من هيّس إشموع العراقي
رمده ما تنشر إبحلوات الضوه
مجروحه طرگهه القهر
.. حزن الگمر .. ولف راسه
دولاب الارق
وتمدد إبصدر السمه
وظل نايم إلنص الظهـر .

( 6 )
صارلك گلبي رقم دار
وتعلگ عل بيتك
ومن إجيتك
دورت رقمك وبيتك
ياحسافه تيهيتك .

( 7 )
بيني وبينك نهر نار وغميج
وعلى النهر
كنطرة بردي هيه
إلعيونـك طريج.

تعليقات الفيسبوك

شاهد أيضاً

| د. خير الله سعيد : الى شهـداء مشفى ابن الخـطيب .

* الى شهـداء مشفى ابن الخـطيب : 246-   بـــين الــــوطــــــن نـحـــتــرﮒ ،،،،، وبـــيـن المشــافـي تِــشِــــــــب …

| د. خيرالله سعيد :إلـى المطـرب كـاظـم الســــاهِـر .

إلـى المطـرب كـاظـم الســــاهِـر :                                                       189-  قـــــط مـا نسـيــت العَــــهـــــد ،،،،، لا والـــــذي حــــــــــاجِــــبـــــك …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *