الناقد العراقي اول موقع عراقي مختص بالنقد
إشارة 1:
لا يمكن لمبدع حقيقي وأصيل أن يغض بصره عن الخراب الذي يلحق بوطنه . وهذا الراحل الدكتور “محمد حسين الأعرجي” يكتب ، وبالعامية، قصيدة في هجاء “زلماي زاده” وإمّعات المحتلين الذين مزّقوا وطنه ، واستباحوا مقدراته .
إشارة 2:
هذه المجموعة من المقالات والوثائق التي ننشرها متسلسلة عن العلامة الراحل “محمد حسين الأعرجي” ، تأتينا من العزيز الشاعر “حسين القاصد” الذي احتفظ بها كتعبير عن وفائه لأستاذه ، والتي سيقوم بإصدارها في كتاب مستقل .. فشكرا للعزيز أبي علي .
الدشلي والياي في زنبرك زلماي
زلماي يا دِهْنِ الوردْ “ساعه يوصّلنا ويرِدْ”
********
زلماي باكة ريحانْ بس عيبه منِّ الأفغان
بيا لغه يفَهْم المعدان؟ والله تره هذا دَرِدْ!!!
********
أهل العمايم والعكل واللي تِرَسْ جيبه مُكل
واليُمصْ ممّيته غَفُل متكلِّط بسيف وغمد
*******
كاروكه لسّا ما نِشَفْ اتكول جن بحر النجف
ولو كال اخُذْ منّه تُحَفْ مو دين تاخُذها، نَقِــد!
********
فدوه رحتْ لهلِ الراي إشلون دبروها الهاي؟!
ما لكوا إلاّ زلــماي جنّه مسحاة بلا ربد؟
********
كرّت عيونج بغداد جوج النشامه الاجواد
بس عطسي ينطوج مراد وغَمّْ أبو خزّامة الجَرِد
********
عوفي الطواب مزنجره واخذي اليصوّب من وره
هاي النشامى مْعَتْبَرَه تبخرِّج بخضيره ورَنِــد
********
فدوه أروحلهمْ كُبَل وارجع ابتكسي بالعَجَلْ
شواربهمْ التربُط جِملْ طلعتِ خيوط اوتنعكد!
********
مثّلوا كلَّ اهلِ الفكرْ واهل اللحايه العالصدر
وما نسوا ربّات الخِدِر بس نسوا أطفال العكد
********
والله ما جنت ارتجي الهيجي مهازل نلتجي
خايف على بطني تجي إحزر عليمن تعتقد؟!
********
زلماي قرضايك جَلَب وما ينشَره بحفنة حطبْ
لكنْ على أيش التعب والمُطي مْبَردَع مستعِد؟!
********
زلماي يادهن الورد إجفينه شرَّك لا تَرِدْ
ذوله الإجوا عُرب اوكِرد لا هم اهلنه او لا وفد
********
إحويشنا لهل الحوش وبَوشك تره كلّش بَوش
أدعيله بالبلابـوش وفرِّع اويايه واجتهـد
********
شتيوي آل بعيوي
17/2/2003
