محمد سعيد الصكار : هاي هم مهلة جديدة والمهل ما تنتهي (ملف/8)

mohammad saeid alsaggar 3هاي هم مهــلة جديدة
والمهــــل ما تنــــــــتهي

هاي هم مهــلة جديدة
والمهــــل ما تنــــــــتهي
والوضع راكد مجـــــيّم
مو مثـل ما نشـــــــتهي

چان عدنه أمل بيــــهم
بعد ميّــــــات المهـــــــل
لا أمل جانا من إديهم
لا ولا ذرة أمـــــــــــــــــل
وانت يالتعــــتب عليـهم
روح دورلك عمــــــــــــل
وخلي درويش العشيرة
بالســـــوالف ملتــــــــهي

لو تــــــزيد ١٢ مهـــلة
ابدما ما تلگه اختلاف
وين ما تعــــثر بدربك
تلگه ميــــــتين التـفاف
راح نبـــــقة بهل نزيزة

لو يجـــــي الف ائتلاف
ما يعـــدل ذيل أعوج
صـــار أمــــــــره منتـــهي
چذب واحنةاشبـــعه منه
بايت وما بي جديـــــــــد
بعد ما يعــــبر عليــــــــنه
بس شنــــو الواگع بالايد
إذا كل أهل الشــــــــهامة
مبيّــــس بلفـط الثـــــــربد
واحنه ضعـنه بهل عجاجة
والأوامــــــر والنــــــــــهي
نگول باچر، واحنه ندري
ماكو فد باچـــــــر بهـــــي

خلي بالانصــــــاف نحچي
الربع ما قصــــــروا أبــــــد
مثل ما تشــــوفون كلهم
شايل همـــــــــوم البــــلد
كفوا عنهــــــــم هالملامة
واتركوا روح الحســــــد
تره المركز إله حوبــــــة
وهيبـــة والمنصب شهي

وانته عاد احسب حسابك
ويـــــــــن دربك ينتــــهي

*عن الحوار المتمدن

تعليقات الفيسبوك

شاهد أيضاً

د. قصي الشيخ عسكر: نصوص (ملف/20)

بهارات (مهداة إلى صديقي الفنان ز.ش.) اغتنمناها فرصة ثمينة لا تعوّض حين غادر زميلنا الهندي …

لا كنز لهذا الولد سوى ضرورة الهوية
(سيدي قنصل بابل) رواية نبيل نوري
مقداد مسعود (ملف/6 الحلقة الأخيرة)

يتنوع عنف الدولة وأشده شراسة ً هو الدستور في بعض فقراته ِ،وحين تواصل الدولة تحصنها …

اترك تعليقاً

لن يتم نشر عنوان بريدك الإلكتروني.