كاظم غيلان: ليل…

مدري اشعندي ويا الليل .. بالليل
سكون .. وناس.. واسرار
ونواطير
سهرو للصبح
والصبح مفتاحه عصافير
اشلون الصبح
وشمحلاته
بس خايف علي
ليصير مثل النعش وندكله مسامير
الصبح هذا الأريده
اهواي احبه
جنه الباديه وبيهه قوافل بدو
وياهه ناس
وتحدي وياهه المزامير
احب الصبح كلش
كلش اهواي
وكلبي اهواي خايف مني اخونه
وهذا لوني.. وهذا لونه
ماني كتلك ياصبح
بس من ضواك انطيني عونه
اعله الجرا لبغداد
مره انطيني عونه
هلبت اتميل سواد الليل عنهه
وهيه تستاهل العونه
عالفرح
والجرجف المليان شذري
والمخده امنقشه
ابكل الورد
بقجه اعله بقجه
وبحله نقشه وآنه الحاير ابغداد
يابغداد.. كولي اشباقي يابغداد
غير الليل .. والوان الخراب
اليستحي مني
وآنه اللي استحيت اليوم من بغداد

 

تعليقات الفيسبوك

شاهد أيضاً

| حيدر حسين سويري : قصيدة ” أظل مشتاكـَ ” .

…………………………………. أظل مشتاكَـ للتارك أثر بيه ذاك الي حلف ما جيب طاريه كَلت انساه كما …

| نايف عبوش : الشعر الشعبي..بين النظم باللهجة العامية والانسلال المتناغم عن الفصحى .

الشعر الشعبي، هو ذلك النمط من الشعر الذي ينظم باللهجة العامية المحكية المتداولة بين الناس …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *