الناقد العراقي اول موقع عراقي مختص بالنقد
ها يمته وتحن وتجيبك الدمعة
وتغنّيلي برهاوة ليل
وافرح مثل كل سجه يفززهه بضحكته الريل
ورد ردود للشجرة الصفت تجوه للّسن شمات
وشحجيلك للمفارك صلاة الوحشه مو للمات
وكحل عينك صفه كسرة خلگ لليل
وسواليفك بقت تاخذ بگايه الحيل
بس مرلي والمتيهين لو مرهم عطش ينسونه بولايه
بس مرلي تره فرض العشكَـ يصلّه بحجايه
ولو مريت اعاتب كل حجي عيونك
واصيرن راي بضنونك
واسولفلك عطش روحي
واخليك تمعّن زين بجروحي
عازلك نبي بروحي مر بيه رسالة شوگ حته انشرهه وي جيتك
وطب الجنتك بسكوت وصير بكل كتر بيهه
وزرع گاعك المتعوبه صار سنين وافتح كل سواجيهه
اريدك تبقه بعيوني وعلى الصفنه تضل معگود
العلگ بالحضره من ينشد يفك شكم گلب مسدود
وارد ردود وارد ردود
يم رسمك
دفو حروفك مشه جلمة بخت وياي لاخر مستحه بعشكگ
تجيني حمل متعوب النهار الماحضاله براي
يحط عينه اعله كل غروب
الورده الما بصفهه تغازلوا عشاگ يفز بيهه النده مرعوب
واي ما اتوب
اي ما اتوب
اليصلي اعله الحزن مهيوب
واليدور دفو بشتاك رد خسران
يا صوره التصبرني وانه شايل صور بالبال ما تحملهه كل حيطان
العشك ما يعترف بس بحجي البيبان
الزرع يرضه بشحيح الماي بس يفرح لون مره حجي النهران
