في ذكرى رحيل عبد الصاحب الضويري : باﮁر يمطر حجار !!

sahib aldoairiالوج وعلتي ما بين الكصار
وعلى عنادي يمر صوت السهارة
واكلك مابعد بالروح جمار
ياصاعود روحي اشها لنداره
اعيش واكدر واكابر واحتيي ردود
لجن جم دوب اعيش والمن اكابر
وصبر النوك لازم ما اله حدود
ومو مطلوب اظل عمرين صابر
بعيد الماي واني بعمر الورود
عني وردت اشوف غيوم باجر
بس ياحيف باجر يمطر حجار
وشيهمه البنه سابع عماره
اصيح عدنه ياناس خطار
الموت ومنهو اللي فرش للموت داره
يابو الكاع العشت بالكاع فلاح
هذا انته تروح وكاعك تروح
وما بيها يظل فلان مرتاح
ولا بيها يظل فلان مجروح
العمر حايط تمايل وارتجه وطاح
يا روح التغني اخلافه يا روح!
ولون نريد والله نسولف اسرار
جان عقولكم ظلت حياره
ولون مليون مره تبدل الجار
ياهو اللي عرف بعدين جاره
وفرق ديارنه عن ذيج الديار
فرق مابين لندن والدغاره

تعليقات الفيسبوك

شاهد أيضاً

ثامر الحاج امين محنة العمرعند الشاعر ( صاحب الضويري )

موت المبدعين ــ على وجه التحديد ــ بأعمار قصيرة ، قضية حظيت باهتمام عدد من …

أحمد إبراهيم الدسوقى: استنى شوية المحامى (قصيدة عامية)

استنى شويه محامى الوليه اللى ولولت عليه لما خدونى فـ الضلمة لقيه أصلهم هجامين وحراميه …

اترك تعليقاً

لن يتم نشر عنوان بريدك الإلكتروني.