في ذكرى رحيله: “أهل القصر” ..
من روائع الشاعر الراحل “كاظم خبط الجبوري”

يمة ذوله اهل القصر ما لاعبوني
يمة من شافوني اجيت تنادسوا واستغربوني
يمه ماسموني باسمي
وكالو انتة ابن الفقير وشتموني
وكالو انتة ابن الصريفه وعيروني
يمة جا هو الفقير اشسوه من عيبة ابعمرهم ؟
يمه جا هيه الصريفه شماخذه وخايف قصرهم
يمه كالوا لاتمر منا بعد بالك تشم ريحة وردنه
وكالو بجدمك الحافي نخاف يترّب عكَدنه
يمه عدهم كلشي عدهم واحنه بس الماكو عدنة ..
يمه لعابات عدهم مدري شنهي , وانه لعاباتي طين
يمه حته ثيابهم مستغربتني يعاتبن ثوبي الحزين
يمه جا ليش احنه فقره وليش اهلهم زناكَين
يمــــــه دين الفقره متعب خل نبدله بغير ديــــــن..
وليش ماعدنه قصر عالي مثلهم ؟
موش ابونة اليبني هاي قصورهم كل هل سنين
وليش ماعدنه ورد يمه مثلهم؟
موش ابونة اليزرعلهم بساتين؟
يمة مو كتيلي مره . ابنادم اطباعه تهم مايهم لونه ..
ويمة مو كَتيلي مرة .
يمة بس ثاري الكَمر بالدنيه يحبنة
اعلينة يسهر دوم ماغمض اعيونة
يمة خاف الكَمر هم ينباع والهم يشترونة .؟
يمة امس مر بينة فارس
خضرن دمعاتنة بروحه سوالف
لونة لون وجوهنه ويشكي مثلهه
يمة والعباس جنه من الصرايف
سولفنه شكثر سولف كلهن سوالف جديده
يمة كَال الحكَه بيد الغير جا شيسوي بيده
يمة كَال السكك كثرة . الفرح بالسكة البعيده

تعليقات الفيسبوك

شاهد أيضاً

| نــجـيب طــلال : مــن وحْـــي الهــيللــــة .

ترددت بين الكتابة واللاكتابة ،لهاته المقالة ، وذلك من خلال السؤال: ما أهمية إحساسات خاصة؛ …

| زياد جيوسي : المعاناة والحزن لدى المرأة في عيون مها “الجزء الأول”.

  “عيون مها” معرض تشكيلي ضخم من حيث عدد اللوحات كان باكورة المعارض التشكيلية التي …

اترك تعليقاً

لن يتم نشر عنوان بريدك الإلكتروني.